မလေးရှားနိုင်ငံတွင် ရခိုင်စာပေ ဟောပြောပွဲ ကျင်းပ 3/4/2008 |
 မလေးရှားနိူင်ငံတွင် ရောက်ရှိနေကြသော ရခိုင်လူငယ်များ ကြိုးပမ်းမှုဖြင့် ရခိုင်စာပေ ဟောပြောပွဲ တရပ်ကို နိုင်ငံ၏ မြို့တော် ကွာလာလမ်ပူတွင် မတ်လ ၁ ရက်နေ့က ကျင်းပပြုလုပ်ခဲ့သည်။ စာပေဟောပြောပွဲသို့ အမေရိကန် နိုင်ငံတွင် နေထိုင်သူ အငြိမ်းစား ပါမောက္ခ သမိုင်းပညာရှင် ဒေါက်တာ အေးကျော်၊ ရခိုင်အမျိုးသား သတင်းစာ အယ်ဒီတာချုပ် ဦးဌေးဝင်းနှင့် မလေးရှားနိုင်ငံမှ မင်းဘာကြီး ရံပုံငွေ အဖွဲ့မှ ဦးထွန်းအောင်ကျော်တို့ တက်ရောက် ဟောပြောခဲ့ကြောင်း သတင်းရရှိသည်။ ထိုသိ်ု့ဟောပြောရာတွင် ဒေါက်တာအေးကျော်မှ ရခိုင်လူမျိုးတို့ ယဉ်ကျေးမှုနှင့် နောက်ခံသမိုင်းတို့အား၎င်း၊ ဦးဌေးဝင်းမှ လက်ရှိ ကာလတွင် မီဒီယာ၏ အရေးပါမှုကို၎င်း၊ ဦးထွန်းအောင်ကျော်မှ ရခိုင်ဝေါဟာရနှင့် ရခိုင်စကား အကြောင်းများကို ဟောပြောခဲ့ကြသည်။ “ ရခိုင်လူမျိုးတည်တံ့ရေးအတွက် ရခိုင်သားတိုင်းအမျိုးသားရေး တာဝန် တရပ်အနေဖြင့် ရခိုင်စကားကို ပြောဆိုရန် လိုအပ်ကြောင်း ”ကိုလည်း ဦးထွန်းအောင်ကျော်က ပြောကြားခဲ့ကြောင်း သိရှိရသည်။ အခန်းအနားသို့ မလေးရှားတွင် ရောက်ရှိနေကြသော ရခိုင်လူငယ် ၇၀ ခန့်တက်ရောက်ခဲ့ပြီး ဟောပြောမှုများကို နားထောင်ခဲ့ကြကြောင်း သတင်းရရှိသည်။ အခန်းအနားအား ကွာလာလမ်ပူမြို့ရှိ အာသောကာ ရာမကျောင်းတွင် ကျင်းပ ပြုလုပ်ခဲ့ကြခြင်း ဖြစ်သည်။
|
Tuesday, March 4, 2008
Subscribe to:
Post Comments (Atom)
No comments:
Post a Comment